«Յուվենտուսի» կիսապաշտպան Արթուր Մելոն հետաքրքրել է «Ռոմային»՝ հաղորդում է Corriere dello Sport-ը։
25-ամյա բրազիլացին տեղ չունի թուրինյան ակումբի գլխավոր մարզիչ Մասիմիլիանո Ալեգրիի ծրագրերում։ Նախորդ ամռանն Արթուրը կարող էր տեղափոխվել «Արսենալ», բայց լոնդոնցիներն այդպես էլ չկարողացան համաձայնության հասնել «Յուվենտուսի» հետ։
2021/22 մրցաշրջանում Արթուրը «Յուվենտուսի» կազմում մասնակցել է 20 հանդիպման և աչքի չի ընկել արդյունավետ գործողություններով (գոլ, գոլային փոխանցում)։