«Յուվենտուսը» հետաքրքրված է «Ինտերի» հարձակվող Էդին Ջեկոյի ծառայություններով՝ հայտնում է Tuttomercatoweb-ը: Աղբյուրի համաձայն՝ բոսնիացին կարող է հեռանալ միլանյան ակումբից «Չելսիի» հարձակվող Ռոմելու Լուկակուի հավանական վերադարձից հետո:
Դրանից բացի, «ներաձուրիների» ղեկավարությունը ցանկանում է կրճատել աշխատավարձերի բյուջեն: 36-ամյա Ջեկոն «Ինտերում» տարեկան վաստակում է 5 միլիոն եվրո:
Հարձակվողի պայմանագիրն «Ինտերի» հետ գործում է մինչև հաջորդ տարվա ամառ: Transfermarkt-ն Էդին Ջեկոյի տրանսֆերային արժեքը գնահատում է 4 միլիոն եվրո։
2021/2022 մրցաշրջանում Ջեկոն միլանյան գրանդի կազմում բոլոր մրցաշարերում անցկացրել է 49 հանդիպում, խփել 17 գոլ և կատարել 10 ասիստ:
