Թուրինի «Յուվենտուսը» կհայտարարի ֆրանսիացի 29-ամյա կիսապաշտպան Պոլ Պոգբայի վերադարձի մասին՝ հայտնում է լրագրող Ջանլուկա դի Մարցիոն։
Պոգբայի գործակալ Ռաֆայել Պիմենտն այսօր թուրինյան ակումբի հետ կարող է համաձայնեցնել կիսապաշտպանի պայմանագրի վերջին մանրամասները։
Ավելի վաղ «Մանչեսթեր Յունայթեդը» հայտարարել էր, որ Պոգբայի հետ պայմանագիրը չի երկարաձգվի: Ֆրանսիացին 2012-2016 թվականներին խաղացել է «Յուվենտուսում», որտեղից էլ տեղափոխվել է «Մանչեսթեր Յունայթեդ»:
Ընդհանուր առմամբ՝ կիսապաշտպանը «կարմիր սատանաների» կազմում մասնակցել է 233 հանդիպման, որոնցում խփել է 39 գոլ, կատարել 51 գոլային փոխանցում։ Transfermarkt-ը ֆուտբոլիստի տրանսֆերային արժեքը գնահատում է 48 միլիոն եվրո: