Թուրինի «Յուվենտուսը» հաջորդ շաբաթ կհայտարարի ՊՍԺ-ի արգենտինացի վինգեր Անխել դի Մարիայի տրանսֆերի մասին՝ հայտնում է ինսայդեր Ջանլուկա դի Մարցիոն:

Անխելը թուրինյան ակումբին կմիանա ազատ գործակալի կարգավիճակով: Արգենտինայի հավաքականի 34-ամյա ֆուտբոլիստը 1 տարվա պայմանագիր կկնքի իտալական գրանդի հետ՝ 6 միլիոն եվրո աշխատավարձով:

Դի Մարիայի պայմանագիրը ՊՍԺ-ի հետ գործում է մինչև հունիսի 30-ը: Թիմը հաստատել է, որ արգենտինացին հեռանալու է: Transfermarkt-ն Անխել դի Մարիայի տրանսֆերային արժեքը գնահատում է 12 միլիոն եվրո: