«Վալենսիան» կարող է նոր սեփականատեր ունենալ:
Ինչպես հաղորդում է Marca-ն, իսպանական ակումբը ձեռք բերելու ցանկության մասին պատմել է Ջոհորի (սուլթանություն Մալայզիայում) թագաժառանգ Տունկու Իսմայիլ Իդրիսը: Նա «Վալենսիայի» ներկայիս սեփականատեր Պիտեր Լիմի մոտ ընկերն է:
«Ես արքայազն եմ, ոչ թե բիզնեսմեն: Ոչ թե գումարները, այլ փառքն ու պատմությունն են մոտիվացնում ինձ: Իմ սերը ֆուտբոլի հանդեպ ոչ ոքի համար գաղտնիք չէ:
Ես ֆուտբոլում նորեկ չեմ: Ակումբ եմ հիմնել Մալայզիայում, որը ճանապարհ է անցել տեղն ուժեղագույնների խմբում պահպանելու պայքարից մինչև չեմպիոնություն: 8 տարում 16 տիտղոս եմ նվաճել: Մենք հարավարևելյան Ասիայի ամենամեծ ակումբն ենք և ամենամեծերից մեկն ամբողջ Ասիայում»,- գրել է Տունկուն ինստագրամյան իր էջում:
«Վալենսիայի» նախագահ Անիլ Մուրտին արձագանքել է այս հայտարարությանը․ «Մի քանի օր առաջ եմ խոսել Պիտեր Լիմի հետ, և նա ինձ ոչ մի ցուցում չի տվել իրավիճակի փոփոխության վերաբերյալ: Ակումբը չի վաճառվում: Լիմն ակտիվորեն չի հետևում արքայազնի ինստագրամյան էջին, բայց նրանք միմյանց լավ գիտեն»:
«Խելագար տրանսֆեր». ինչու և ինչպես Յոհան Կրույֆը հայտնվեց համեստագույն «Լևանտեում»
