Բրիտանացի գրող Ջորջ Օրուելի «1984» վեպը կթողարկվի ֆեմինիստական ընթերցմամբ. այս մասին հայտնում է The Guardian-ը:
Նոր վեպը գրելու է ամերիկացի գրող Սանդրա Նյումանը: Իր ստեղծագործության մեջ նա իրադարձություններին նայելու է Օրուելի վեպի սիրելի հերոսուհու՝ Ջուլիայի աչքերով. նրա անունով կկոչվի նոր գիրքը։
«1984»-ը մարդու մեջ մարդկայինն իսպառ ոչնչացնելու, նրան ազատ լինելու, մտածելու, սիրելու, ապրելու, արարելու ձգտում-ընդունակություններից զրկելու մասին։
Նյումանի վեպը կկենտրոնանա Օրուելի օրիգինալ վեպի «երկու անպատասխան հարցերի» վրա, բացատրեց Օրուելի գրական ժառանգության խոսնակ Բիլ Հեմիլթոնը. ի՞նչ է տեսնում Ջուլիան Ուինսթոնի մեջ, և ինչպես է նա իր ճանապարհը հարթում կուսակցական հիերարխիայում:
Օրուելի հեղինակային իրավունքի սեփականատերերն ասել են, որ իրենք որոշ ժամանակ փնտրում էին հեղինակի, ով կարող էր պատմել Սմիթի սիրելիի մասին ֆեմինիստական դիտանկյունով: Նյումանը հրաշալի տարբերակ էր: Օրուելի որդի Ռիչարդ Բլերը նույնպես հավանություն է տվել նախագծին:
Վեպը նախատեսվում է հրատարակել 2023 թվականին: