Իսպանական «Կադիսը» շարունակում է նախապատրաստվել նոր մրցաշրջանին։
Ակումբն անցկացրել է այսօր նախատեսված երկու մարզումներից առաջինը։ Մարզմանը մասնակցել է Հայաստանի հավաքականի պաշտպան Վարազդատ Հարոյանը։ Նա օրերս էր միացել թիմին ու բուժզննում անցել։
Հարոյանը մայիսին երկու տարվա պայմանագիր կնքեց իսպանական ակումբի հետ։ Նրա վերջին ակումբը եղել է «Աստանան»։
«Կադիսը» Լա լիգայի նոր մրցաշրջանի մեկնարկային տուրում տանը հյուրընկալելու է «Լևանտեին»։
