«Բավարիայի» գլխավոր տնօրեն Օլիվեր Կանը հերքել է մյունխենյան ակումբի՝ Կրիշտիանու Ռոնալդուի ծառայություններով հետաքրքրված լինելու վերաբերյալ լուրերը։
«Չնայած այն հանգամանքին, որ ես Ռոնալդուին համարում եմ մեծագույն ֆուտբոլիստ, այնուամենայնիվ, նրա տրանսֆերը չէր համապատասխանի մեր փիլիսոփայությանը»,- Կանի խոսքը մեջբերում է լրագրող Ֆրանկ Լինկեշը։
Ավելի վաղ հաղորդվում էր, որ պորտուգալացին մտադիր է լքել «Մանչեսթեր Յունայթեդն» ու միանալ այնպիսի թիմի, որը նոր մրցաշրջանում կխաղա Չեմպիոնների լիգայում։