Ֆուտբոլի Ղազախստանի գավաթի խաղարկության եզրափակիչում «Կայրաթը» դժվարին պայքարում առավելության հասավ Կարագանդայի «Շախտյորի» նկատմամբ:
«Աստանա Արենայում» կայացած խաղի հաշիվը 6-րդ րոպեին բացեց Վագներ Լավը: 40-րդ րոպեին Լավը երկրորդ գնդակն ուղարկեց «Շախտյորի» դարպասը:
47-րդ րոպեին Միխայիլ Գաբիշևը նվազեցրեց «Կայրաթի» առավելությունը, իսկ 75-րդ րոպեին 31-ամյա հարձակվող Մարտին Տոշևը հավասարեցրեց հաշիվը: Հիմնական ժամանակն ավարտվեց ոչ-ոքի՝ 2-2:
Լրացուցիչ ժամանակում թիմերը մեկական գոլ խփեցին. 97-րդ րոպեին Տատիբաևը հաշվի մեջ առաջ մղեց «Շախտյորին», իսկ 111-րդ րոպեին Շուշենաչևը հավասարեցրեց հաշիվը:
Հաղթողը որոշվեց հետխաղյա 11-մետրանոց հարվածաշարի արդյունքում: «Կայրաթը» հետխաղյա հարվածաշարում հաղթեց 9-8 հաշվով: Թիմի կազմում վերջին 11-մետրանոց հարվածը դիպուկ իրացրեց Հայաստանի հավաքականի ֆուտբոլիստ Կամո Հովհաննիսյանը, որը մասնակցեց ամբողջ խաղին:
ՀԻՄՆԱԿԱՆ ԵՎ ԼՐԱՑՈՒՑԻՉ ԺԱՄԱՆԱԿԻ ՏԵՍՈՒԹՅՈՒՆԸ
ՀԵՏԽԱՂՅԱ 11-ՄԵՏՐԱՆՈՑՆԵՐԸ
ՊԱՐԳԵՎԱՏՐՄԱՆ ԱՐԱՐՈՂՈՒԹՅՈՒՆԸ
