«Յուվենտուսի» և Իտալիայի հավաքականի լեգենդար պաշտպան Ֆաբիո Կանավարոն կարող է շարունակել մարզչական գործունեությունը:
Հիշեցնենք, որ իտալացին մարզչական փորձ է կուտակել Արաբական Միացյալ Էմիրություններում և Չինաստանում:
Mundo Deportivo-ի հաղորդմամբ՝ շատ հավանական է, որ Կանավարոն գլխավորի «Էսպանյոլը»:
Ընթացիկ մրցաշրջանի ավարտից հետո «թութակների» գլխավոր մարզիչ Վիսենտե Մորենոն և սպորտային տնօրեն Ֆրանսիսկո Ռուֆետեն լքելու են իրենց զբաղեցրած պաշտոնները, իսկ ակումբի չինացի նախագահ Չեն Յանշենը թիմի ղեկին ցանկանում է տեսնել հենց Կանավարոյին:
Նշենք նաև, որ 2006 թվականին իտալացին արժանացել է «Ոսկե գնդակ» մրցանակին: