«Ինտերի» կիսապաշտպան Անտոնիո Կանդրևան Իտալիայի Ա Սերիայի 19-րդ տուրում «Լացիոյի» հետ ոչ-ոքիով ավարտված խաղից հետո պատասխանել է այն մեղադրանքներին, որ անհարգալիք վարք է ցուցաբերել միլանյան թիմի երկրպագուների նկատմամբ՝ թքելով նրանց ուղղությամբ:
«Ջուզեպե Մեացա» մարզադաշտում կայացած մրցավեճն ավարտվել է գոլազուրկ ոչ-ոքիով:
«ԶԼՄ-ները հաղորդել են այնպիսի բաների մասին, որոնք, կարծում եմ, նույնիսկ հարկ չկա մեկնաբանելու: Խաղացողները հաճախ են թքում խաղադաշտում, բայց դա չի նշանակում, որ դու դա ուղղում ես որևէ մեկին, էլ չեմ խոսում երկրպագուների մասին: Այո՛, ես նյարդայնացած էի, բայց դա արեցի իմ նկատմամբ բարկությունից ելնելով, որ չկարողացա գնդակը պահպանել խաղադաշտում:
Ես պարզապես ցանկանում էի պարզաբանել այդ դրվագը և ասել. «Առա՛ջ, «Ինտե՛ր»»,- ասել է Կանդրևան Inter TV-ին տված հարցազրույցում:
#Candreva ringrazia e augura a tutti #BuonAnno 😂…#InterLazio pic.twitter.com/blYj9XbLwF
— Alessia N⚽️velli (@Alessia_Nov) December 30, 2017