«Տոտենհեմի» ու Անգլիայի ազգային հավաքականի հարձակվող Հարի Քեյնը դեմ չէ ամռանը «Մանչեսթեր Յունայթեդի» հետ բանակցություններ վարելուն՝ հաղորդում է The Sun-ը։
Ըստ աղբյուրի՝ այս պահին հարձակվողի առաջնային նպատակը «Տոտենհեմի» հետ նոր պայմանագիր կնքելն է, քանի որ գործող պայմանագրի ժամկետը լրանում է 2024 թվականին։
Հաղորդվում է, որ Քեյնին տպավորել է Անտոնիո Կոնտեի աշխատանքը, և նա նախապատվությունը կարող է տալ ներկայիս ակումբում մնալուն, սակայն, միևնույն ժամանակ, դեմ չէ այլ ակումբներից առաջարկներ լսելուն։
ԱՊԼ-ի ընթացիկ մրցաշրջանում հարձակվողը 29 խաղում խփել է 12 գոլ և կատարել 6 գոլային փոխանցում։