«Չելսիի» ֆրանսիացի կիսապաշտպան Նգոլո Կանտեն ամռանը կարող է տեղափոխվել Մադրիդի «Ռեալ»՝ հայտնում է Fichajes-ը:
Աղբյուրի համաձայն՝ իսպանական ակումբը ֆրանսիացուն տեսնում է որպես Տոնի Կրոսի և Լուկա Մոդրիչի պոտենցիալ փոխարինող։ Հաղորդվում է նաև, որ ֆուտբոլիստը դեմ չէ Մադրիդ հնարավոր տեղափոխությանը:
Նգոլո Կանտեն «Չելսիում» հանդես է գալիս 2016 թվականից: Ընթացիկ մրցաշրջանում կիսապաշտպանը Պրեմիեր լիգայում անցկացրած 20 խաղում դարձել է 2 գոլի և 4 գոլային փոխանցման հեղինակ:
«Չելսիի» և Կանտեի միջև գործող պայմանագրի ժամկետը կավարտվի 2023 թվականի ամռանը։ Transfermarkt-ը աշխարհի չեմպիոնի տրանսֆերային արժեքը գնահատում է 50 միլիոն եվրո:
