Հայաստանի ազգային հավաքականը ռումինացիներից 0-1 հաշվով կրած պարտությամբ գործնականում նվազագույնի հասցրեց 2022թ. աշխարհի առաջնության ընտրական մրցաշարի J խմբում 2-րդ տեղը գրավելու իր հնարավորությունը:
Հանդիպման ամենաուշագրավ իրադարձությունները ներկայացնում ենք 10 փաստի տեսքով:
- Ռումինիայի հավաքականի հետ անցկացրած 7-րդ խաղում մեր ընտրանին 5-րդ պարտությունը կրեց: Դրանցից 4-ը գրանցվել են աշխարհի առաջնությունների ընտրական մրցախաղերում: Առաջին պարտությունը ՀՀ հավաքականը կրել էր 2005թ. Հենկ Վիսմանի օրոք հյուրընկալվելիս՝ 0-3: 2016թ. մեր ֆուտբոլիստները Վարուժան Սուքիասյանի գլխավորությամբ սեփական հարկի տակ պարտվել էին խոշոր՝ 0-5 հաշվով, իսկ հաջորդ տարի արդեն Արթուր Պետրոսյանի օրոք պատասխան խաղում զիջել էին նվազագույն հաշվով:
- Ռումինացիների հետ հանդիպումն աշխարհի առաջնությունների ընտրական մրցաշարերում ՀՀ հավաքականի 70-րդ խաղն էր, որում մեր ընտրանին 40-րդ պարտությունը կրեց: Մնացած հանդիպումներից 13-ում ՀՀ հավաքականը հաղթել է, 17-ն ավարտել է ոչ-ոքի, խփել է 60 գոլ, սեփական դարպասը բաց է թողել 133 գնդակ: Իսկ ընդհանուր առմամբ անցկացրած 227 հանդիպումներում մեր ընտրանին 120-րդ պարտությունը կրեց:
- Ընտրական մրցաշարի մեկնարկում 3 անընդմեջ հաղթանակներից հետո ՀՀ հավաքականը հաջորդ 5 խաղերում այդպես էլ չճաշակեց հաղթանակի բերկրանքը՝ կրելով 2 պարտություն, 3 հանդիպում ավարտելով ոչ-ոքի, խփելով ընդամենը 2 գոլ, սեփական դարպասը բաց թողնելով 9 գնդակ:
Առանց հաղթանակների ամենաերկար շարքը գրանցվել է 2002թ. աշխարհի առաջնության ընտրական մրցաշարում, երբ Վարուժան Սուքիասյանի գլխավորությամբ ՀՀ հավաքականն անցկացրած 10 հանդիպումներում այդպես էլ չկարողացավ գեթ մեկ հաղթանակ տոնել՝ կրելով 5 պարտություն, նույնքան խաղ էլ ավարտելով ոչ-ոքի:
- Խոակին Կապառոսի գլխավորությամբ անցկացրած վերջին 7 հանդիպումներում ՀՀ հավաքականը հաղթանակ չի տոնել՝ կրելով 3 պարտություն, 4 խաղ ավարտելով ոչ-ոքի, խփելով ընդամենը 4 գոլ, բաց թողնելով 13 գնդակ: Ավելի վատ ցուցանիշ գրանցվել է Խորեն Հովհաննիսյանի (1996-1997թթ.՝ 11 խաղ առանց հաղթանակի, 5 ոչ-ոքի, 6 պարտություն), Յան Պոուլսենի (2008-2009թթ.՝ 8, =4-4) և Բեռնար Շալանդի (2014-2015թթ.՝ 8, =1-7) օրոք:
- Վերջին 3 տարիներին ՀՀ հավաքականն անհաջող է հանդես եկել հոկտեմբերին անցկացրած 6 հանդիպումներում՝ կրելով 2 պարտություն, 4 խաղ ավարտելով ոչ-ոքի: Վերջին հաղթանակը հոկտեմբերին մեր ֆուտբոլիստները տոնել են 2018թ.՝ Արմեն Գյուլբուդաղյանցի գլխավորությամբ Ազգերի լիգայի մրցաշարում սեփական հարկի տակ 4-0 հաշվով պարտության մատնելով մակեդոնացիներին:
Միացի՛ր հայկական ամենասպորտային Instagram-ին:
1 2