«Լիվերպուլի» ու «Ռեալի» միջև Չեմպիոնների լիգայի եզրափակիչ խաղին ընդառաջ մերսիսայդյան ակումբի նախկին ֆուտբոլիստ Ջեյմի Կարագերը նշել է, որ Յուրգեն Կլոպի թիմը բոլոր դիրքերում գերազանցում է «Ռեալին»:
«Լիվերպուլը» հիմնական կազմի բոլոր դիրքերում գերազանցում է «Ռեալին»: Թիմը չպետք է նախապատվություն տա Անգլիայի Պրեմիեր լիգային: Ես չեմ ասում, որ Յուրգեն Կլոպը պետք է զոհաբերի չեմպիոնությունը, բայց Չեմպիոնների լիգայում հաղթելու ավելի շատ շանսեր կան, քան Պրեմիեր լիգայում»,- Կարագերի խոսքն է մեջբերում Sky Sports-ը։
Պրեմիեր լիգայում 37 տուրից հետո «Լիվերպուլը» 89 միավորով 2-րդն է, 1 միավոր է զիջում առաջատար «Մանչեսթեր Սիթիին»: