«Լիվերպուլի» նախկին պաշտպան Ջեյմի Կարագերը խոսել է «Լայպցիգի» հարձակվող Տիմո Վերների՝ մերսիսայդյան ակումբ չկայացած տեղափոխության մասին: Գերմանացի ֆուտբոլիստը ներկայումս մոտ է «Չելսիի» հետ պայմանագիր ստորագրելուն:
«Վստահ եմ՝ «Լիվերպուլը» ձեռք բերած կլիներ Վերների տրանսֆերը, եթե չլիներ համավարակը: Բոլորն էլ գիտեն, որ «Լիվերպուլի» հարձակման եռյակը մնում է նույնքան լավը, սակայն Վերները հաջորդ մրցաշրջանում շատ խաղեր կանցկացներ ակումբի կազմում:
Սալահը բաց էր թողնելու մրցաշրջանի մեկնարկն Օլիմպիադայի պատճառով, ինչից հետո Մոն և Մանեն հաջորդ տարվա փետրվարին պետք է մասնակցեին Աֆրիկայի գավաթին: Դա նշանակում է, որ «Լիվերպուլին» պահեստային խաղացողներ անհրաժեշտ կլինեին երկար ժամանակահատվածում ելույթների համար: Եվ այդ ամենը՝ դեռ նույնիսկ չխոսելով ռոտացիայի և վնասվածքների մասին:
Ուստի Վերները հնարավորություն կունենար խաղալ կայուն կերպով: Նա երաշխավորված 10-12 հանդիպում կանցկացներ մեկնարկային կազմում, իսկ հաշվի առած այն ամենը, ինչի մասին հիշեցրի, հանդես կգար 25-30 մրցավեճում:
Քանի որ Օլիմպիադան ամռանը չի կայանա, կա կասկած Աֆրիկայի գավաթի անցկացման հնարավորության վերաբերյալ, ինչպես նաև քանի որ «Լիվերպուլը» ֆինանսապես տուժել է պանդեմիայի պատճառով, որոշում է ընդունվել չհրավիրել Վերներին: Սակայն ես կցանկանայի, որ նրանք մինչև վերջ պայքարեին գործարքի համար: Ենթադրում եմ՝ ֆուտբոլիստը ցանկանում էր հանդես գալ «Լիվերպուլում»»,- Կարագերի խոսքերը մեջբերում է Goal․com-ը:
Անգլիական գրանդը բոլորից առաջ է անցել Սանչոյին գնելու պայքարում