Ջերմուկում ընթացող Ստեփան Ավագյանի հուշամրցաշարի 4-րդ տուրում երկու առաջատարներից մեկը՝ Հայկ Մարտիրոսյանը, հաշտություն կնքեց Դայ Վան Նգուենի հետ ու վաստակեց 2,5 միավոր:
Իսկ ահա մյուս առաջատար Հանս Նիմանը պարտվեց Սամվել Տեր-Սահակյանին ու մնաց 2 միավորով:
Շանթ Սարգսյանը և Ամին Տաբատաբաեին, հաղթելով իրենց մրցակիցներին, վաստակեցին 2,5-ական միավոր և Հայկ Մարտիրոսյանի հետ գլխավորեցին մրցաշարային աղյուսակը: Շանթը հաղթեց Ալեքսանդր Դոնչենկոյին, իսկ Տաբատաբաեին պարտության մատնեց Մանուել Պետրոսյանին: Մամիկոն Ղարիբյանն ու Սարին Նիհալը հաշտություն կնքեցին:
2-ական միավորով առաջատարներին հետապնդում են Սամվել Տեր-Սահակյանը, Դայ Վան Նգուենը, Սարին Նիհալն ու Հանս Նիմանը:
