Հունիսի 6-16-ը կայանալիք գրոսմայստեր Կարեն Ասրյանի 13-րդ հուշամրցաշարին մասնակցելու համար այս պահի դրությամբ հայտ է ներկայացրել 8 երկրի 55 շախմատիստ՝ տեղեկացնում է մարզաձևի հանրապետական ֆեդերացիան։
Մասնավորապես, հայտավորվել են գրոսմայստերներ Հրանտ Մելքումյանը, Սամվել Տեր-Սահակյանը, Զավեն Անդրիասյանը, Սետուրամանը (Հնդկաստան) և Տամազ Գելաշվիլին (Վրաստան)։
Մասնակցության համար գրանցվել է նաև 7 միջազգային և 3 ՖԻԴԵ-ի վարպետ: Առայժմ վարկանիշային առաջատարն է Մելքումյանը:
Հայտեր ստացվել են Հայաստանից, Բելառուսից, Վրաստանից, Հնդկաստանից, Իրանից, Ղազախստանից, Ֆիլիպիններից և Ռուսաստանից։