Երևանում ընթացող բռնցքամարտի Եվրոպայի առաջնության 60 կգ քաշային կարգի 1/8 եզրափակիչում Կարեն Տոնականյանը մենամարտեց Հունգարիայի ներկայացուցիչ Ռոլանդ Վերեշի հետ: Ցավոք, մեր բռնցքամարտիկը պարտվեց 1:4 հաշվով և դուրս մնաց պայքարից:
Հիշեցնենք, որ այսօր ռինգ էին դուրս եկել Հայաստանի ներկայացուցիչներ Ռաֆայել Հովհաննիսյանը (86 կգ) և Վախթանգ Հարությունյանը (75 կգ):
Հարությունյանը միավորներով զիջել էր Գերմանիան ներկայացնող Բոակի Կևին Շչումանին, իսկ Հովհաննիսյանը, հաղթելով բուլղարացի Կրիստիան Դիմիտրով-Ստեֆանովին, դուրս է եկել քառորդ եզրափակիչ, որտեղ մրցելու է աշխարհի առաջնության բրոնզե մեդալակիր բելգիացի Վիկտոր Շելստրատի հետ:
Առաջնության մենամարտերը կարող եք դիտել «Վիվառո սպորտ պլուս» և «Վիվառո Արենա» հեռուստաալիքներով:
