Ֆրանսիացի հարձակվող Կարիմ Բենզեման ճանաչվել է «Ռեալի» 2021/2022 մրցաշրջանի լավագույն ֆուտբոլիստ՝ հայտնում է մադրիդյան ակումբի մամուլի ծառայությունը:
«Ես շատ հպարտ եմ մրցանակով։ Սա հիանալի մրցաշրջան է ինձ համար խփած գոլերի և նվաճած գավաթների առումով»,- ասել է Բենզեման:
2021/2022 մրցաշրջանում 34-ամյա Բենզեման բոլոր մրցաշարերում մասնակցել է 45 հանդիպման, որոնցում դարձել է 44 գոլի և 15 գոլային փոխանցման հեղինակ։
Ավարտվող մրցաշրջանում Մադրիդի «Ռեալը» նվաճել է Լա լիգայի չեմպիոնական տիտղոսն ու Իսպանիայի Սուպերգավաթը, իսկ մայիսի 28-ին Չեմպիոնների լիգայի գավաթը կվիճարկի անգլիական «Լիվերպուլի» հետ: