տուր
01 Հունվար 1970 - 13:48
Մադրիդի «Ռեալի» կիսապաշտպան Կասեմիրոյի առանձնատունը թալանվել է անհայտ անձանց կողմից, երբ ֆուտբոլիստը մասնակցում էր Լա լիգայի 7-րդ տուրի շրջանակում տեղի ունեցած մադրիդյան դերբիին (0-0): Այս մասին հաղորդում է El Chiringuito-ն:
Ավազակային հարձակման ժամանակ տանը եղել են Բրազիլիայի հավաքականի ֆուտբոլիստի կինն ու դուստրը, սակայն գողերը նրանց որևէ վնաս չեն հասցրել:
Սա նմանատիպ առաջին դեպքը չէ Մադրիդի էլիտար շրջաններից մեկում՝ Լա Մորալեխում, որտեղ բնակվում են բազմաթիվ հայտնի ֆուտբոլիստներ:
«Ռեալն» իր խաղացողներին վաղուց է խնդրում իրենց բնակավայրերից լուսանկարներ կամ տեսանյութեր չհրապարակել սոցիալական ցանցերում: Չնայած նախազգուշական բոլոր միջոցներին, ավազակային հարձակումները շարունակվում են:
Կասեմիրոն «Ռեալում» հանդես է գալիս 2013 թվականից: 27-ամյա բրազիլացին Իսպանիայի ընթացիկ առաջնությունում մասնակցել է 7 խաղի, դարձել 1-ական գոլի ու արդյունավետ փոխանցման հեղինակ:
Սիմեոնեն զայրացած է․ Ռամոսը հայհոյել է մրցավարին, բայց մնացել անպատիժ