Օրերս «Արվեստանոց» ռեստորանում կայացավ Լուսանե Ջալալյանի «Կատուն կին է» առաջին գրքի շնորհանդեսը: Գիրքը հրատարակել է «ԳրաՏուն» հրատարակչությունը. բանաստեղծությունների ու արձակ ստեղծագործությունների ժողովածուի հիմնական թեման սերն է: Հեղինակի խոսքով՝ թեև գիրքը ժողովածու է, հաջորդականությամբ կարդալու դեպքում ընթերցողը կարող է որսալ որոշակի սյուժետային գիծ:
Միջոցառումը հագեցած էր երաժշտական կատարումներով, որոնք ապահովեցին Տաթև Ամիրբեկյանը և Սերգո Ալեքսանյանը, իսկ երգչուհի Էվա Ոսկանյանը հանդես եկավ հեղինակային երգի պրեմիերայով, խոսքերը՝ «Կատուն կին է» գրքից: Երեկոյի հատուկ հյուրերից էր Տաթև Հովակիմյանը, որը կարդաց «Նստիր կողքիս, հոգիս» ստեղծագործությունը՝ Էվա Ոսկանյանի երաժշտական ուղեկցությամբ:
Լուսանկարները՝ Մհեր Արշակյանի
