տուր
01 Հունվար 1970 - 18:56
Լաս Վեգասում կայացել է UFC 246 մրցաշարի մամուլի ասուլիսը: Հունվարի 19-ին կայանալիք երեկոյի գլխավոր իրադարձությունը կդառնա Կոնոր Մակգրեգորի ու ամերիկացի Դոնալդ Սերոնեի միջև մենամարտը:
Լրագրողների հարցերին պատասխանելուց հետո մարտիկները անցկացրել են հայացքների մենամարտ:
Դոնալդ Սերոնե
«Անհամբերությամբ սպասում եմ 4 կամ 5 ռաունդանոց մենամարտի: Հույս ունեմ, որ Կոնորը պատրաստ է, անհամբեր եմ: Եթե հաղթեմ, ապա կմեկնեմ հանգստի երեխայիս հետ ու հաճույք կստանամ արձակուրդիցս: Այնուհետև, կզանգահարեմ UFC-ի նախագահին ու կպարզեմ, թե ինչ ենք անելու ապագայում:
Ըմբշամարտը իմ կյանքն է: Մենք ըմբիշների մահացող վերջին սերունդն ենք: Հաճույք եմ ստանում մենամարտերից ու անում եմ այն, ինչ ինձ դուր է գալիս: Հիանալի է ստանալ այն, ինչին արժանի եմ: Կոնորի հետ մենամարտերը ամենամեծ եկամուտն են բերում:
Մարդիկ ասում էին, որ ես երբեք մեծ մենամարտ անցկացնելու հնարավորություն չեմ ստանա, իսկ հիմա արդեն կտեսնենք, քանի որ չկա ավելի մասշտաբային մենամարտ»:
Կոնոր Մակգրեգոր
«Պարզապես ուրախ եմ այստեղ՝ ամերկյան հողում գտնվելու համար, ինձ համար մեծ պատիվ է այստեղ գտնվել: Ես խնդիրներ ունեի Դոնալդի հետ, բայց արդեն շատ բան է փոխվել:
Արյուն է հոսելու, բայց դա վատ արյուն չի լինելու: Ինձ լավ եմ զգում այս քաշային կարգում: Ինձ դուր է գալիս երկրպագուներին նվիրել ուրախություն: Այս քաշում մեծ մենամարտեր են սպասվում: Ես պատրաստ եմ այնքան, որքան հնարավոր է:
Կարող եմ կարդալ Դոնալդին, ինչպես մանկական գիրքը, գիտեմ նրա բոլոր խորամանկությունները: Ամբողջովին վստահ եմ իմ վրա, մտադիր եմ հաղթանակի հասնել նոկաուտով»:
THE FIRST FACE-OFF! 🗣
🇮🇪 @TheNotoriousMMA vs 🇺🇸 @CowboyCerrone
Get the ESPN+ PPV ➡️ https://t.co/7VFvMZ89dc #UFC246 pic.twitter.com/wRW6GMXquV
— UFC (@ufc) January 16, 2020
- 4