Իսպանիայի հավաքականի նախկին կիսապաշտպան Խաբի Ալոնսոն պաշտոնապես հաստատվել է «Ռեալ Սոսյեդադ Բ»-ի գլխավոր մարզչի պաշտոնում: Այս մասին հաղորդում է ակումբի թվիթերյան պաշտոնական էջը:
Ալոնսոն հենց Սան Սեբաստիանը ներկայացնող ակումբում է սկսել իր մարզական կարիերան: Նա «Ռեալ Սոսյեդադում» 1999-2004թթ․ ընկած ժամանակահատվածում մասնակցել է ավելի քան 100 մրցավեճի, ինչից հետո ելույթները շարունակել «Էյբարում»: «Սոսյեդադին» 2002/03թթ․ մրցաշրջանում հաջողվել է դառնալ Իսպանիայի փոխչեմպիոն:
Ալոնսոն իր կարիերայի ընթացքում հանդես է եկել նաև «Լիվերպուլում», Մադրիդի «Ռեալում» և «Բավարիայում»: Նա աշխարհի չեմպիոն է, Եվրոպայի կրկնակի չեմպիոն, 2 անգամ հաղթել է Չեմպիոնների լիգայի գավաթի խաղարկությունում: Ալոնսո-ֆուտբոլիստը, ընդհանուր առմամբ, նվաճել է 18 տիտղոս:
Ալոնսոն 2018/19թթ․ մրցաշրջանում մարզել է «Ռեալի»՝ մինչև 14 տարեկան ֆուտբոլիստներից բաղկացած թիմը:
Պաշտոնական․ Լուկա Զիդանը նոր ակումբ ունի
🗣 Termina la presentación oficial de @XabiAlonso como entrenador del Sanse #Zubieta #RealSociedad pic.twitter.com/cZ3lphQa9F
— Real Sociedad Fútbol (@RealSociedad) 9 июля 2019 г.