Բելգիայի հավաքականի ու Մադրիդի «Ռեալի» դարպասապահ Տիբո Կուրտուան Ազգերի լիգայի 3-րդ տեղի համար Իտալիայի հավաքականի դեմ խաղից(1-2) հետո քննադատել է ՈՒԵՖԱ-ին:
«Եկեք անկեղծ լինենք՝ այս հանդիպումն անցկացվեց բացառապես փողի համար: Մենք խաղացինք, որ ՈՒԵՖԱ-ն ավելի շատ փող աշխատի:
Տեսեք, թե թիմերի մեկնարկային կազմերում ինչ փոփոխություններ են եղել: Եթե լիներ եզրափակիչ, այլ ֆուտբոլիստներ կխաղային: Փոփոխությունները նրա ապացույցն են, որ մենք չափից շատ ենք խաղում»,- Sky Sports-ը մեջբերում է Կուրտուայի խոսքը:
Հիշեցնենք, որ Ազգերի լիգայի հաղթող դարձավ Ֆրանսիայի հավաքականը՝ եզրափակիչում հաղթելով Իսպանիայի ընտրանուն, իսկ Իտալիայի հավաքականը 3-րդ տեղի համար խաղում հաղթեց բելգիացիներին:
