«Էվերթոնի» կիսապաշտպան Խամես Ռոդրիգեսը կարող է հեռանալ ակումբից, տեղեկացնում է Defensa Central-ը:
Աղբյուրի փոխանցմամբ՝ կոլումբացին չի հարմարվում Անգլիային, անգլիական կլիմային: Նշվում է, որ Խամեսը չի կարողանում իրեն գտնել նաև Պրեմիեր լիգայում. ուժային ֆուտբոլը չի համապատասխանում նրա խաղաոճին: Այս գործոնները Խամեսի համար ավելի մեծ նշանակություն ունեն, քան այն հանգամանքը, որ թիմը գլխավորում է Կառլո Անչելոտին:
Հաղորդվում է, որ Խամեսը արդեն մտածում է Մադրիդ վերադառնալու մասին, բայց այս անգամ՝ «Ատլետիկոյի» կազմը համալրելու համար: Սիմեոնեն դեռ նախորդ ամռանն էր հետաքրքրված Ռոդրիգեսի ծառայություններով:
