Ռուսաստանի Պրեմիեր լիգայի 24-րդ տուրում «Ռոստովը» սեփական հարկի տակ 4:1 հաշվով առավելության է հասել Մոսկվայի «Լոկոմոտիվի» նկատմամբ:
«Ռոստովի» կազմում ամբողջ հանդիպմանը մասնակցել է Հայաստանի ազգային հավաքականի կիսապաշտպան Խորեն Բայրամյանը՝ դառնալով հիանալի գոլային փոխանցման հեղինակ:
Բայրամյանը 61-րդ րոպեին կտրող փոխանցումով Դմիտրի Պոլոզին դուրս է բերել մրցակցի դարպասապահի առջև գրեթե մեն-մենակ, որից հետո ռուս հարձակվողը գնդակը մխրճել է դարպասը:
«Ռոստովը» վաստակած 28 միավորով 10-րդն է Ռուսաստանի Պրեմիեր լիգայի մրցաշարային աղյուսակում: