«The Matrix» ֆիլմի աստղեր Կիանու Ռիվզը և Քերի-Էնն Մոսը հարցազրույցում խոսել են նոր՝ The Matrix ֆիլմի իմաստի մասին:
Ըստ Ռիվզի, Matrix-ի կողմից բարձրացված ամենակարևոր թեման սերն է: Մոսը հավելել է, որ ֆիլմում անդրադառնում է նաև կառավարման համակարգերի թեմային: «Եկեք կանգ առնենք այն փաստի վրա, որ խոսքը սիրո և կառավարման համակարգերի ուսումնասիրության մասին է: Եվ ավելին, իրականության համար պայքարելու փորձի մասին: Եվ ոչ միայն մարդկանց, այլ նաև ծրագրերի և մեքենաների համար: Բոլորի համար», – ասել է արտիստը:
Մոսը հավելել է, որ չորրորդ ֆիլմը բառացիորեն թաթախված է սիրո մեջ: Այս թեման, ըստ դերասանուհու, կարևոր է ֆիլմի ռեժիսոր Լանա Վաչովսկու համար: «Նրա համար «Մատրիցան» միշտ եղել է հիմնականում սիրո մասին, չնայած ես գիտեմ, որ դա բոլորի համար պարզ չէ, և ոչ բոլորն են համաձայն դրա հետ: Ամեն դեպքում, այնքան շերտեր կան, այնքան էլ հեշտ չէ այդ ամենը վերցնել ու մի քանի բառով հարցազրույցի համար ներկայացնել»,- ասել է դերասանուհին։