Իտալիայի հավաքականի ավագ Ջորջո Կիելինին պատմել է, թե ինչ էր պատահել ԵՎՐՈ-2020-ի Իսպանիայի դեմ խաղի հետխաղյա հարվածաշարից առաջ Ժորդի Ալբայի հետ միջադեպում։
«Շատ ավել բան է ասվել այդ դրվագի մասին, քան այն, ինչ տեղի է ունեցել։ Մենք որոշեցինք, թե որ դարպասին են լինելու հարվածները, իսկ հետո մրցավարը մետաղադրամը նետելիս հարցրեց․ «կարմի՞րը, թե՞ կապույտը»։
Երբ նա (Ժորդի Ալբան) տեսավ կարմիրը, մտածեց, որ ինքը պետք է ընտրի։ Բայց ես կատակ արեցի՝ ասելով, որ դա իր ընտրությունը չէր»,-Կիելինիի խոսքն է մեջբերում Marca-ն։
Իտալացի պաշտպանը նաև պատմել է 11-մետրանոց հարվածաշարի մասին․
«Առաջին հարվածից հետո հուսահատ էի։ Մենք էմոցիաներ ենք կիսել միասին, որը հավերժ հիշվելու է։ Վերջում կային արցունքներ ու գրկախառնություններ»,-ասել է Կիելինին։