«Շալկեն» հայտարարել է այն մասին, որ թիմի կազմը համալրել է «Այաքսի» հարձակվող Կլաս-Յան Հունտելարը:
Գելզենկիրխենյան ակումբը 37-ամյա ֆուտբոլիստի հետ ստորագրել է պայմանագիր, որն ուժի մեջ կլինի մինչև ընթացիկ մրցաշրջանի ավարտը:
🚨 Willkommen zurück, @KJ_Huntelaar! 🔙
Der HUNTER stürmt wieder für Königsblau 🏹💙#S04 | #Hunter21 | #Huntelaar
— FC Schalke 04 (@s04) January 19, 2021
Հունտելարը «Շալկեում» ավելի վաղ հանդես է եկել 2010-2017թթ․՝ թիմի կազմում դառնալով Գերմանիայի գավաթակիր և սուպերգավաթակիր: Հարձակվողը թիմում մասնակցել է 240 հանդիպման՝ խփելով 126 գոլ ու կատարելով 35 արդյունավետ փոխանցում:
«Հանքափորները» Բունդեսլիգայի ընթացիկ առաջնությունում վաստակել են 7 միավոր և գտնվում են վտանգավոր գոտում՝ 17-18-րդ հորիզոնականները բաժանելով նույնքան միավոր ունեցող «Մայնցի» հետ:
Նիդեռլանդցի հարձակվողն իր կարիերայի ընթացքում ելույթ է ունեցել նաև «ՊՍՎ Էյնդհովենում», «Դե Գրաֆշապում», «Ապելդորնում», «Հերենվենում», Մադրիդի «Ռեալում» ու «Միլանում»: Երկրի հավաքականի կազմում անցկացրել է 76 խաղ և դարձել 42 գոլի հեղինակ:
Ճանաչված հարձակվողը փոխարինման է մտել 89-րդ րոպեին և հաղթական դուբլի հեղինակ դարձել (տեսանյութ)
