Squid Game-ի ռեժիսոր Հվանգ Դոնգ Հյուկը հայտնել է, որ բանակցություններ է վարում Netflix-ի հետ՝ երրորդ սեզոնի համար. հայտնում է The Korea Herald-ը՝ հղում անելով KBS-ին:
Նա նշել է, որ Netflix-ի հետ քննարկումնրի մեջ են և աշխատում են միանգամից երկու հարցի շուրջ՝ երկրորդ և փաստորեն արդեն երրորդ սեզոնների համար:
«Շուտով ընդհանուր որոշման կգանք»,- ասել է կինոռեժիսորը:
Հվանգ Դոնգ Հյուկը խոսել է երկրորդ եթերաշրջանի իր պլանների մասին դեռևս նոյեմբերին: Հետո նա նշել է, որ մեծ ճնշում է գործադրվում սերիալի երկրպագուների կողմից՝ պահանջելով նկարահանել սերիալի շարունակությունը: Սակայն երրորդի մասին նա առաջին անգամ է խոսել:
The Squid Game-ը թողարկվել է Netflix-ում՝ սեպտեմբերի 17-ին: Սերիալի հերոսներից շատերը ֆինանսական դժվարությունների մեջ են: Իրենց խնդիրները լուծելու համար նրանք պայմանավորվել են մասնակցել գոյատևման խաղերին:
Հայտնի է, որ նրանք ցանկանում են երկրորդ եթերաշրջանը նվիրել արյունալի մրցույթի հաղթող Սոնգ Կի Հունի պատմությանը: