«Լիվերպուլի» գլխավոր մարզիչ Յուրգեն Կլոպը հայտարարել է, որ Մադրիդի «Ռեալը» լիովին արժանի է Չեմպիոնների լիգայի եզրափակիչ դուրս գալուն:
«Եթե դու հաղթել ես ՊՍԺ-ին, «Չելսիին» և «Մանչեսթեր Սիթիին», ապա միանշանակ արժանի ես եզրափակիչում խաղալուն»,- «Լիվերպուլի» մամուլի ծառայության փոխանցմամբ՝ ասել է Կլոպը Լոնդոնի «Տոտենհեմի» դեմ խաղից առաջ՝ մամուլի ասուլիսի ընթացքում:
Հիշեցնենք՝ «Ռեալը» 1/8 եզրափակիչում հաղթահարել է ՊՍԺ-ի, 1/4 եզրափակիչում՝ «Չելսիի», իսկ կիսաեզրափակիչում՝ «Մանչեսթեր Սիթիի» արգելքը:
Մադրիդի «Ռեալը» եզրափակիչում կհանդիպի Կլոպի «Լիվերպուլին»: Խաղը կկայանա մայիսի 28-ին Ֆրանսիայի մայրաքաղաք Փարիզի «Ստադ դը Ֆրանս» ստադիոնում: