Անգլիայի գավաթի եզրափակիչում «Չելսիին» 11-մետրանոցներով (6:5) հաղթելուց հետո «Լիվերպուլի» գլխավոր մարզիչ Յուրգեն Կլոպը հետաքրքիր մանրամասներ է հայտնել:
«Բոլորս գիտենք, որ 11-մետրանոց հարվածաշարը վիճակախաղի նման է, սակայն կրկին հաղթեցինք: Մենք աշխատում ենք Neuro11 ընկերության հետ: Այնտեղ 4 երիտասարդ են Գերմանիայից: Տարիներ առաջ նրանք կապ հաստատեցին՝ հայտնելով, որ իրենք նեյրոկենսաբաններ են և կարող են մարզել 11-մետրանոցները:
Հիմա կարող եմ ասել, որ այդ տղաները ֆանտաստիկ աշխատանք են կատարել, և այս մրցանակները նրանց համար են»,- Կլոպի խոսքը փոխանցում է This Is Anfield-ը:
Հիշեցնենք, որ ընթացիկ մրցաշրջանում «Լիվերպուլն» արդեն 2 տիտղոս ունի: Գերմանացի մասնագետի թիմը թե՛ Անգլիայի լիգայի գավաթը, թե՛ Անգլիայի գավաթը նվաճել է՝ 11-մետրանոց հարավածաշարում հաղթելով «Չելսիին»: