«Լիվերպուլի» գլխավոր մարզիչ Յուրգեն Կլոպը մեկնաբանել է «Վեստ Բրոմվիչի» դեմ խաղի 90+5 րոպեին դարպասապահ Ալիսոն Բեկերի խփած հաղթական գոլը:
«Ինչպիսի պահ էր: Այդպես հաղթելն ինչ-որ յուրահատուկ զգացմունքներ է առաջացնում: Չէի կարող այս պահին էլ ավելի երջանիկ լինել:
Դա դարպասապահի խփած լավագույն գոլն էր, որ երբևէ տեսել եմ: Այդպես իսկական հարձակվողներն են կարողանում խփել: Երբ Ժիրուն է այդպես խփում, ասում ենք դա թոփ մակարդակ է»,- գերմանացու խոսքն է մեջբերում BBC-ին:
Բրազիլացին իր գոլը նվիրել է հոր հիշատակին, որը խեղդամահ էր եղել փետրվարին:
