տուր
01 Հունվար 1970 - 21:34
«Լիվերպուլի» գլխավոր մարզիչ Յուրգեն Կլոպն արձագանքել է «Լեյպցիգի» հարձակվող Տիմո Վերների՝ անգլիական ակումբ հավանական տեղափոխությանը վերաբերող հայտարարությանը:
«Ոչինչ չեմ կարող ասել այդ կապակցությամբ: Սակայն ինձ դուր է գալիս, երբ ֆուտբոիլստները մեր ակումբի մասին խոսում են դրական առումով, այլ ոչ այսպես․ «Դա վերջին տեղն է, որտեղ պատրաստ եմ գնալ»: Դա այդ իմաստով հիանալի է, սակայն մնացած առումներով ասելու ոչինչ չունեմ»,- Կլոպի խոսքերը մեջբերում է Liverpool Echo-ն:
Ավելի վաղ տարածվել էին տեղեկություններ, որ «Լիվերպուլը» պատրաստ է օգտվել Վերների տրանսֆերի՝ պայմանագրով նախատեսված հրաժարագնի ակտիվացման հնարավորությունից և «Լեյպցիգին» վճարել 58 մլն եվրո, ինչից անմիջապես հետո բանակցություններ սկսել հարձակվողի հետ: Տեղեկացվում էր նաև, որ 23-ամյա գերմանացին արդեն առաջարկներ է ստացել «Բարսելոնայից» ու «Մանչեսթեր Յունայթեդից», սակայն մերժել դրանք:
Վերները Բունդեսլիգայի ընթացիկ առաջնությունում մասնակցել է 23 հանդիպման, խփել 21 գոլ և կատարել 7 արդյունավետ փոխանցում: