Logo

Կլոպը հուզիչ նամակ է գրել «Լիվերպուլի» 11-ամյա երկրպագուին

Հեղինակ
Լիանա Մկրտչյան
00:00 / 12.10.2020ՍՊՈՐՏ
1200 1200 max - Կլոպը հուզիչ նամակ է գրել «Լիվերպուլի» 11-ամյա երկրպագուին
Խաղի մանրամասները

տուր

01 Հունվար 1970 - 13:13

-

-

«Լիվերպուլի» գլխավոր մարզիչ Յուրգեն Կլոպը հուզիչ նամակ է գրել ակումբի 11-ամյա երկրպագու Լուիս Բալֆեին, որը անցյալ ամիս նամակ էր հղել գերմանացին մասնագետին՝ պատմելով իր անհանգստության մասին նախքան դպրոց ընդունվելը:

Կլոպն էլ ժամանակ է գտել ու պատասխանել.

«Բարև Լուիս,

Կարո՞ղ եմ սկսել գաղտնիքից: Ես նույնպես անհանգստանում եմ: Անկեղծ ասած՝ անհանգիստ կլինեի, եթե չանհանսգտանայի, քանի որ երբ դա սկսվում է, հնարավորություն եմ ստանում այդ էներգիան ինչ-որ դրական բանի վերածելու:

Գիտեմ, որ քո տարիքի տղայի համար պետք է որ տաօրինակ լինի մտածել, որ «Լիվերպուլի» մարզիչը կարող է զգալ այն, ինչ դու:

Քո նամակից պարզ է դառնում, որ դու ուշադիր ու հոգատար անձնավորություն ես, իսկ երբ այդ որակներն ունես, դժվար է չանհանգստանալ:

Դու հարցրել ես ինձ` ինչ եմ անում, երբ իմ ֆուտբոլիստները նույն զգացողություններն են ունենում ու պատասխանը պարզ է. ես հիշեցնում եմ նրանց, թե որքան կարևոր են նրանք ինձ համար ու որքան եմ նրանց հավատում և չեմ կասկածում, որ նույն իրավիճակն է քո ու քո ընտանիքի մոտ: Դու չպետք է անհանգստանաս, որ տեղի են ունենում վատ բաներ:

Ինչպես գիտես, պարտվել եմ շատ եզրափակիչներում, ու դա տհաճ զգացում է, բայց ընտանիքիս ու ընկերներիս օգնությամբ՝շարունակել եմ առաջ շարժվել, ու վերջիվերջո մենք հիանալի ժամանակներ ունեցանք:

Եթե կենտրոնանայի վատ պահերի վրա, գիտեմ, որ դա անհնարին կլիներ, այդ պատճառով լավատես եղիր ինքդ քո հանդեպ ու անհամբերությամբ սպասիր հիանալի ժամանակների, որոնք դեռ պետք է տեղի ունենան: Ու մի մոռացիր, որ դու լիվերպուլյան ընտանիքի մի մասն ես, իսկ դա նշանակում է, որ կան քեզ պես միլիոնավոր ու միլիոնավոր մարդիկ, որոնք ցանկանում են, որ դու այնքան երջանիկ լինես, որքան դա հնարավոր է:

Քո աջակցությունը շատ բան է նշանակում իմ ու «Լիվերպուլում» բոլորի համար, այնպես որ, հույս ունեմ, որ նամակը ցույց է տալիս, որ աջակցում ենք քեզ»,-ասվում է նամակի մեջ:

Միացի՛ր հայկական ամենասպորտային Instagram-ին:


Մեզ կարող եք հետևել նաև Telegram-ում

Հարցում

Աղյուսակներ

Հայաստան, Պրեմիեր Լիգա