«Տոտենհեմի» գլխավոր մարզիչ Անտոնիո Կոնտեն բարձր է գնահատում Պեպ Գվարդիոլայի՝ «Սիթիում» կատարած աշխատանքը:
«Համաձայն եմ Պեպի հետ, որ գումարը շատ կարևոր է ֆուտբոլում, սակայն հաջողություն չի երաշխավորում: Գվարդիոլան աշխարհի լավագույն մարզիչն է և իր մտքերն ու գաղափարները վճռականորեն հասցնում է ֆուտբոլիստներին:
Նա գերազանց թիմ է կառուցել ու սկսել է քաղել իր աշխատանքի պտուղները, իսկ գումարը հարկավոր է՝ կազմը թարմացնելու և որակապես ավելի լավը դարձնելու համար»,- իտալացու խոսքը մեջբերում է Daily Mail-ը:
Հիշեցնենք, որ «քաղաքաբնակները» միանձնյա գլխավորում են ԱՊԼ-ի մրցաշարային աղյուսակը, Կոնտեի թիմը 5-րդն է: