Զվարճալի դրվագ են ֆիքսել «Յուվենտուս» - «Ուդինեզե» խաղի տեսախցիկները՝ տեղեկացնում է Football Italia-ն:
Դրվագներից մեկում թուրինյան ակումբի կիսապաշտպան Ադրիեն Ռաբիոն որոշել է շրջանցել միանգամից երկու մրցակցի, սակայն եզրային գծին մոտ գտնվող Մասիմիլիանո Ալեգրին արգելել է դա անել:
«Ռիսկի մի՛ գնա. ևս մեկ անգամ կորցնես գնդակը՝ կսպանեմ քեզ»,- գոռացել է իտալացի մասնագետը:
Հաշվի առնելով, որ տրիբունաները գրեթե դատարկ են եղել, Ալեգրիի ձայնը լսելի է եղել ամբողջ ստադիոնի ու հեռուստադիտողների համար:
Այս հաղթանակից հետո «Յուվենտուսը» միավորներով հավասարվեց Չեմպիոնների լիգայի գոտում գտնվող «Ատալանտային», սակայն Բերգամոն ներկայացնող թիմը 2 հանդիպում պակաս է անցկացրել: