«Կռիլյա Սովետովի» 18-ամյա կիսապաշտպան Ալեքսանդր Կովալենկոն Metaratings-ի թղթակցի հետ զրույցում խոսել է Հայաստանի ազգային հավաքականից ստացած հրավերի մասին:
«Այս պահին ես ոչ դրական, ոչ բացասական պատասխան չեմ տվել»,- ասել է Կովալենկոն։
Ավելի վաղ նույն աղբյուրը հայտնել է, որ Կովալենկոն դեռ չի համաձայնել ելույթ ունենալ Հայաստանի ազգային հավաքականում։
Ալեքսանդր Կովալենկոն «Արարատ-73»-ի լեգենդար ֆուտբոլիստ Ալեքսանդր Կովալենկոյի թոռն է: Ավագ Կովալենկոն 1960-1975 թվականներին պաշտպանել է լեգենդար թիմի գույները՝ դառնալով ԽՍՀՄ գավաթակիր: Երևանյան թիմի կազմում նա անցկացրել է 281 հանդիպում և դարձել 19 գոլի հեղինակ:
Կովալենկո ավագը կյանքից հեռացել է 2002 թվականին: