ՌՊԼ-ի 28-րդ տուրի՝ «Արսենալ Տուլա» - «Կրասնոդար» հանդիպումից առաջ հնարամիտ քայլով են աչքի ընկել հյուրերի երկրպագուները:
Նրանք Տուլայի «Արսենալի» մարզադաշտի բազմագույն նստարանները ծածկել են աղբի համար նախատեսված տոպրակներով, և կանաչ դրոշների առկայությամբ հյուրերի համար նախատեսված սեկտորն ստացել է «Կրասնոդարի» տնային տրիբունայի տեսքը:
Հիշեցնենք, որ «ցլերի» ավանդական գույները կանաչը և սևն են:
Հավելենք, որ հանդիպումն ավարտվել է 1:1 հաշվով, իսկ «Կրասնոդարի» կազմում գոլի հեղինակ է դարձել Հայաստանի հավաքականի կիսապաշտպան Էդուարդ Սպերցյանը:
