տուր
01 Հունվար 1970 - 13:09
- «Բարսելոնայի» գլխավոր մարզիչ Ռոնալդ Կումանը մեկնաբանել է ակումբի՝ «Մանչեսթեր Սիթիի» պաշտպան Էրիկ Գարսիայի տրանսֆերը հունվարյան տրանսֆերային պատուհանի ժամանակ ձեռք չբերելու որոշումը:
Հիշեցնենք՝ կատալոնական ակումբի նախագահի թեկնածուները որոշել էին սպասել մինչև հունիս, երբ կավարտվի ֆուտբոլիստի՝ «քաղաքաբնակների» հետ պայմանագրի ժամկետը:
«Ինչ-որ տեղ կարդացի, թե դժգոհ եմ այդ որոշումից: Ես լավ եմ, ամեն ինչ կարգին է, քաջատեղյակ եմ ակումբի ներկայիս սահմանափակումներից: Եթե դա հնարավոր չէ, ապա հնարավոր չէ: Կշարունակենք աշխատել նրանց հետ, ովքեր մեր տրամադրության տակ են»,- Կումանի խոսքերը մեջբերում է Goal․com-ը։
20-ամյա ֆուտբոլիստն այս շաբաթ հանդիպել էր «Բարսելոնայի» ներկայացուցիչների հետ ու վերջնականապես համաձայնեցրել ապագա պայմանագրի պայմանները: Հաղորդվում էր, որ նա մտադրվել է որքան հնարավոր է շուտ վերադառնալ Իսպանիա:
Գարսիան «Բարսելոնայի» մանկապատանեկան դպրոցի սան է: 2017 թվականի հուլիսին 1,7 մլն եվրոյի դիմաց տեղափոխվել է «Մանչեսթեր Սիթի»: Transfermarkt պորտալն Իսպանիայի հավաքականի ֆուտբոլիստի տրանսֆերային արժեքը գնահատում է 20 մլն եվրո:
Կենտրոնական պաշտպանը 2019 թվականին Երևանում մասնակցել է Մ19 Եվրոպայի առաջնության եզրափակիչ փուլին՝ իսպանացիների կազմում հռչակվելով աշխարհամասի չեմպիոն:
Ռոնալդ Կումանը մեկնաբանել է «Ռեալի» պարտությունն Իսպանիայի Սուպերգավաթում
