«Բարսելոնայի» գլխավոր մարզիչ Ռոնալդ Կումանը մեկնաբանել է Միրալեմ Պյանիչի հեռանալը:
«Կարծում եմ՝ մի փոքր հիասթափություն կա նրա մոտ: Այդուհանդերձ, Պյանիչը խաղային տարբեր օղակներում ու իրավիճակներում զիջեց թիմի մյուս խաղացողներին: Նրան ամենայն բարիք եմ մաղթում, սակայն իրավիճակը ծանր էր:
Մենք փորձեցինք նրան ընդգրկել հայտացուցակում, սակայն հասկացանք, որ նրանից ավելի լավ խաղացողներ ունենք»,- Mundo Deportivo-ն մեջբերում է Կումանի խոսքը:
Միրալեմ Պյանիչն ամառային տրանսֆերային պատուհանին վարձակալությամբ տեղափոխվել է «Բեշիքտաշ»: