Բելգիայի հավաքականի դարպասապահ Տիբո Կուրտուան մեկնաբանել է ԵՎՐՈ 2020-ում Պորտուգալիայի նկատմամբ տարած հաղթանակն ու լռեցրել հոլանդացի երկրպագուներին, որոնք քննադատել էին բելգիացիների խաղը:
«Մենք գիտեինք, որ հաշվի մեջ առջևում լինելով էլ հեշտ չէր լինելու Պորտուգալիայի հավաքականի դեմ խաղում: Մենք լավ պաշտպանվեցինք ու ապացուցեցինք, որ մեր դեմ ուղղված քննադատություններն անարդարացի են: Լսել եմ, որ որոշ հոլանդացիներ քննադատել են մեզ: Ուրախ եմ, որ հիմա նրանք տանն են:
Սա թոփ հանդիպում էր, այն երկու թիմերից էլ մեծ ուժեր խլեց: Չէի ասի, թե մեր բախտը բերել է: Մեր ցանցում կան մի շարք ուժեղ հավաքականներ, բայց մենք որակյալ թիմ ունենք այս ճանապարհն անցնելու համար», – Կուրտուայի խոսքերն է փոխանցում HLN-ը:
