Հայաստան, Vbet Պրեմիեր Լիգա, 3 տուր
25 Մայիս 2021 - 19:30
0ՖԱ Արարատ Երևան
ՖԱ Ալաշկերտ
0 - 1 Վինսենտ Բեզեկուր - 75`
«ԱՐԱՐԱՏ» – «ԱԼԱՇԿԵՐՏ»
34 խաղ, «Արարատը» հաղթել է 8 անգամ, «Ալաշկերտը»՝ 19, գրանցվել է 7 ոչ-ոքի, խփած և բաց թողած գոլերի հարաբերակցությունը՝ 38-55
«Արարատ»՝ 5-րդ տեղ (37 միավոր), «Ալաշկերտ»՝ 2-րդ տեղ (40 միավոր):
2-րդ շրջան. 21.11.2020 «Ալաշկերտ» 1-2 «Արարատ»
Գոլերը՝ 0-1՝ Ուրոշ Նենադովիչ 22՛, 0-2՝ Մորի Կոնե 50՛, 11մ, 1-2՝ Տարոն Ոսկանյան 53՛
3-րդ շրջան. 10.05.2021 «Արարատ» 0-0 «Ալաշկերտ»
Հետաքրքիր 5 փաստ՝ հանդիպմանն ընդառաջ
1․ Առաջնության ավարտական տուրից առաջ կայանալիք այս միակ հանդիպումը, որը հետաձգվել էր 3-րդ տուրից, բախտորոշ նշանակություն ունի ոչ միայն մրցող թիմերի, այլև չեմպիոնական մրցավազքի մյուս մասնակիցների համար: Հաղթելու դեպքում «Ալաշկերտը» 43 միավորով կգլխավորի մրցաշարային աղյուսակը և չեմպիոնի տիտղոսը նվաճելու լուրջ հայտ կներկայացնի:
Այդ դեպքում բացի «Ալաշկերտից», ավարտական տուրից առաջ ոսկե մեդալներին կհավակնի միայն «Նոան»: Եթե վերջինս ավարտական տուրում նույնիսկ հաղթի «Վանին» և վաստակի 44 միավոր, ապա չեմպիոնի տիտղոսը նվաճելու համար «Արարատ-Արմենիայի» հետ մրցավեճում «Ալաշկերտին» բավական կլինի նույնիսկ ոչ-ոքին, քանի որ անձնական հանդիպումներում ունեցած առավելության շնորհիվ (2 հաղթանակ, 1 պարտություն) ալաշկերտցիները կգերազանցեն «Նոային»:
2․ Իսկ ահա «Արարատի» հաղթանակի դեպքում չեմպիոն դառնալու արարատցիների հնարավորությունները կաճեն, եթե «Նոան» ավարտական տուրում չկարողանա հաղթել «Վանին»: Այդ ժամանակ «Շիրակին» հաղթելու դեպքում «Արարատն» անկախ «Ալաշկերտ»-«Արարատ-Արմենիա» հանդիպման ելքից չեմպիոն կհռչակվի, քանի որ նույնիսկ «Ալաշկերտի» հետ հավասար միավորների դեպքում վերջինիս կգերազանցի անձնական հանդիպումներում ունեցած առավելության շնորհիվ (2 հաղթանակ, 1 ոչ-ոքի): Իսկ «Նոայի» հաղթանակի դեպքում արարատցիները կդառնան Հայաստանի փոխչեմպիոն:
Իսկ պարտության դեպքում «Արարատը» կարող է զրկվել նույնիսկ բրոնզե մեդալներից, եթե ավարտական տուրում «Արարատ-Արմենիան» կամ «Ուրարտուն» հաղթեն: Ահա թե ինչպիսի աննախադեպ բարձր գին ունի հաղթանակն այս մրցավեճում:
3․ Ալեքսանդր Գրիգորյանի նորամուտն «Ալաշկերտի» գլխավոր մարզչի պաշտոնում շատ տպավորիչ ստացվեց: «Արարատ-Արմենիայի» հետ 10-րդ տուրից հետաձգված խաղում ավելացված ժամանակում Տարոն Ոսկանյանի խփած գոլի շնորհիվ «Ալաշկերտը» 2-1 հաշվով անչափ կարևոր հաղթանակ կորզեց: Ալեքսանդր Գրիգորյանը Բարձրագույն խմբում «Ալաշկերտը» մարզած 13-րդ մարզիչն է:
4․ Ընթացիկ մրցաշրջանում մրցակիցները 4-րդ անգամ են մրցավեճի բռնվելու, ընդ որում վերջին 15 օրվա ընթացքում 3-րդ անգամ կմրցեն միմյանց հետ: «Ալաշկերտին» դեռ չի հաջողվել հաղթել «Արարատին»՝ կրելով 2 պարտություն, այդ թվում գավաթի եզրափակչում՝ մեկ խաղ ավարտելով ոչ-ոքի: Վերջին հաղթանակն «Արարատի» նկատմամբ «Ալաշկերտը» տոնել է անցյալ տարվա հունիսի 21-ին՝ 3-1:
5․ Հանդիպմանը մասնակցելու դեպքում արարատցի Ժիրայր Մարգարյանը Բարձրագույն խմբում հոբելյանական՝ 100-րդ խաղը կանցկացնի:
Դիմակայության լավագույն ռմբարկուները՝
«Արարատ»՝ Ալեքսանդր Ռակիչ՝ 6 գոլ:
«Ալաշկերտ»՝ Միհրան Մանասյան՝ 17 գոլ:
