«Ինտերը» թիմի գլխավոր մարզիչ Անտոնիո Կոնտեից բացի ևս մեկ լուրջ կորուստ կունենա առաջիկա օրերին:
Ինչպես տեղեկացնում է La Gazzetta dello Sport-ը, միլանյան ակումբի պաշտպան Աշրաֆ Հաքիմին տեղափոխվում է ՊՍԺ: Աղբյուրի փոխանցմամբ՝ ակումբներն ինտենսիվ բանակցությունների մեջ էին վերջին օրերին ու համաձայնության են հասել 60 միլիոն եվրոյի շուրջ: Նշվում է, որ «Ինտերը» ստիպված է գնում այս քայլին՝ իր ֆինանսական իրավիճակը շտկելու համար:
Հաղորդվում է նաև, որ «Ռեալը»՝ Հաքիմիի նախկին ակումբն ունի ֆուտբոլիստին առաջինը գնելու հնարավորություն, բայց մադրիդցիները կապ չեն հաստատել «Ինտերի» հետ:
