43-ամյա անգլիացի մասնագետ Ֆրենկ Լեմպարդն այսօր՝ հունվարի 30-ին, պայմանագիր կկնքի «Էվերթոնի» հետ՝ հաղորդում է լրագրող և ինսայդեր Ֆաբրիցիո Ռոմանոն իր թվիթերյան միկրոբլոգում։
Ավելի վաղ հայտնի էր դարձել, որ գլխավոր մարզչի պաշտոնում «Էվերթոնի» ընտրությունը կանգ է առել Լեմպարդի վրա։ Այս պահին անգլիական ակումբում գլխավոր մարզչի պարտականությունները ժամանակավորապես կատարում է Դանկան Ֆերգյուսոնը։
Իր մարզչական կարիերան Լեմպարդն սկսել է Չեմպիոնշիփում՝ գլխավորելով «Դերբի Քաունթին», իսկ հետագայում՝ 2019 թվականի հուլիսից մինչև 2021 թվականի հունվարը, գլխավորել «Չելսին»։