«Բարսելոնայի» նախագահ Ժոան Լապորտան քննադատել է թիմի 17-ամյա կիսապաշտպան Գավիի գործակալին պայմանագրի երկարաձգման գործընթացը ձգձգելու համար՝ հայտնում է հեղինակավոր ինսայդեր Ֆաբրիցիո Ռոմանոն։
«Մենք չենք հասկանում, թե ինչու է Գավիի գործակալը փորձում ձգձգել պայմանագրի երկարաձգումը»,- Ռոմանոյի փոխանցմամբ՝ ասել է Լապորտան։
Գավիի գործող պայմանագիրը «Բարսելոնայի» հետ նախատեսված է մինչև 2023 թվականի ամառ: Կիսապաշտպանի տրանսֆերային արժեքը գնահատվում է 60 միլիոն եվրո։
Ավելի վաղ հաղորդվում էր, որ երիտասարդ ֆուտբոլիստին թիրախավորել են անգլիական գրանդները: