Կրիշտիանու Ռոնալդուն կարիերան կարող է շարունակել «Բարսելոնայում»՝ հայտնում է AS-ը:
Կատալոնական ակումբի նախագահ Ժոան Լապորտան հանդիպել է պորտուգալացու գործակալ Ժորժե Մենդեշի հետ: Նրանք քննարկել են Ռուբեն Նևեշի («Վուլվերհեմփթոն»), Բեռնարդու Սիլվայի («Մանչեսթեր Սիթի») և Ռաֆայել Լեաուի («Միլան») հնարավոր տրանսֆերները:
Միևնույն ժամանակ անդրադարձ է եղել նաև Կրիշտիանու Ռոնալդուի շուրջ ստեղծված իրավիճակին: Լապորտան հայտնել է, որ իրենք պորտուգալացու տեղափոխությամբ հետաքրքրված են եղել դեռ նախորդ ամռանը, սակայն լուրջ քայլեր չեն ձեռնարկել՝ ելնելով ֆինանսական վատ վիճակից:
Կարծիք կա, որ Ռոնալդուի տեղափոխության մասին խոսակցություններն ակտիվացնելով՝ «Բարսելոնան» փորձում է Ռոբերտ Լևանդովսկիի հարցում ճնշում գործադրել «Բավարիայի» վրա: