«Ֆորմուլա-1»-ը հաջորդ մրցաշրջանից կավելացնի Լաս Վեգասի Գրան պրին: Այն կլինի ԱՄՆ-ում կայանալիք աշխարհի առաջնության երրորդ փուլը՝ հաղորդում է RaceFans-ը:
«Ֆորմուլա-1»-ը Լաս Վեգասում մրցարշավներ անցկացրել է 1981 և 1982 թվականներին, սակայն այժմ առաջին անգամ մեքենաները կանցնեն Լաս Վեգաս Սթրիփով՝ հյուրանոցների ու կազինոների մոտով:
Քաղաքային մրցուղին 6 120 մետր է, ունի 3 ուղիղ և 14 շրջադարձ: Առավելագույն արագությունը կկազմի 342 կմ/ժ:
«Ֆորմուլա-1»-ի ներուժը հրաշալի դրսևորվել է վերջին մի քանի սեզոնների ընթացքում, իսկ Լաս Վեգասի Գրան պրին այն կհասցնի նոր մակարդակի»,- ասել է Liberty Media-ի գործադիր տնօրեն Գրեգ Մաֆեյը: