«Լայպցիգի» կիսապաշտպան Դանի Օլմոն հաջորդ տարվա հունվարին կտեղափոխվի «Բարսելոնա»՝ հաղորդում է ESPN-ը։ 23-ամյա ֆուտբոլիստը հանուն այս տեղափոխության համաձայնել է աշխատավարձի նվազեցման։

«Կապտանռնագույնները» ֆուտբոլիստին ցանկանում էին ձեռք բերել ամառային տրանսֆերային պատուհանի ժամանակ և 58 մլն եվրո էին առաջարկել «Լայպցիգին», սակայն դա չէր գոհացրել գերմանական ակումբին։

Օլմոն «Բարսելոնայի» սան է։ 2014 թվականին նա լքել է ակումբը, որից հետո խաղացել Զագրեբի «Դինամոյում»։ 2020 թվականի հունվարին «Լայպցիգը» 22 մլն եվրո էր վճարել նրա համար։

Միացի՛ր հայկական ամենասպորտային Instagram-ին: